Fingið merktan fisk

Havið

Havið Hiti og salt Rák Havsúrgan Tíðarrøðir

Lívið í havinum

Lívið í havinum Fiskur Havsúgdjór Sjófuglur Djóraplankton Plantuplankton Tíðarrøðir

Tilmæli

Tilmæli Tilmæli frá Havstovuni Tilmæli frá ICES Um stovnsmeting

Fiskalisti

Tíðindi

Um Havstovuna

Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Standard hydrografi

Jákup Sverri, túrur nr. 2342

Tíðarskeið: 30/08 – 05/09 2023

Ábyrgd: Karin Margretha H. Larsen

Toktleiðari: Ian Salter

Endamál:

Endamálið við túrinum er at fylgja við broytingunum í havinum kring Føroyar. Túrurin er ein partur av teimum regluligu kanningunum eftir standard hydrografiskum skurðum.

Samandráttur

Hesin túrurin var ein standard hydrografi-túrur eftir fimm av teimum seks standardskurðunum. Á túrinum vórðu 79 CTDstøðir tiknar eftir skurðunum V, R, N, E, og S, umframt eftir skurði J. Á øllum støðum var CTDin brúkt at máta vertikalar profilar av hita, saltinnihaldi, oksygen og gróðri (fluoresence). Á útvaldum støðum (sum ásett í sýnishondbókni fyri Umhvørvisdeilidina, partur 4.1) vórðu vatnprøvar tiknir til analysu av tøðevnum og karbon. Á túrinum blivu vatnskorpuhiti og -saltinnihald mátað alla tíðina við Ávegisdátusavnaranum, eins og mátað varð við streymmátaranum á kjølinum tað mesta av túrinum. Fyri eina verkætla hjá Harvard University at kanna PFAS (polyfluoroalkyl substances) í Føroysku vistskipanini, vórðu 7 vatnprøvar 7 (chlorophyll maxima) og 7 glúpprøvar (0-50m) tiknir at máta PFAS í plankton.

Á túrinum varð lagt til merkis, at hvalspýggjur vóru at síggja í stórum tali so at siga allastaðni á Landgrunninum. Stórar
hvalspýggjur (10-30 cm) sóust frá skipinum, ímeðan smærri hvalspýggjur vóru í WP2-prøvunum (Mynd 1). Hesar
hvalspýggjur sýntust at verða knýttar at gróðrarlagnum, har mesti gróðurin var á 15-20 m dýpi.

Fyribilsúrslit frá útvaldum skurðunum

Um túrin

Vit fóru út mikudagin 30/8 kl. 1800. Siglt varð norður á støð N01, og tóku vit so skurðin norðureftir. Vit vóru liðug við skurð N 31/8 kl. 22:32. Hesin skurður tók 26 tímar. Sí Mynd 2.

Haðani varð siglt suður á støð J08 á skurði J, og tóku vit so skurðin suðureftir til støð J01. Vit vóru liðug við skurð J 01/09 14:22. Hesin skurður tók 8 tímar.

Haðani varð siglt út á støð R08 á skurði R, og tóku vit so skurðin suðureystureftir til støð R01. Vit vóru liðug við skurð R 02/09 00:55. Hesin skurður tók 9 tímar.

Haðani varð siglt út á støð V10 á skurði V, og tóku vit so skurðin norðureystureftir til støð V01. Vit vóru liðug við skurð V 02/09 18:16. Hesin skurður tók 12 tímar. Sí Mynd 3.

Haðani varð siglt út á støð EHB á skurði E, og tóku vit so skurðin eystureftir til støð E15. Vit vóru liðug við skurð E 03/09 19:52. Hesin skurður tók 24 tímar. Sí Mynd 4.

Haðani varð siglt út á støð S08 á skurði S. Vit høvdu vánaligt veður (20 m/s) og stóra aldu (5m) og lógu bakk í 6 tímar. Vit byrjaðu við S08 04/09 10:50 og tóku vit so skurðin norðurvestureftir. Vit vóru liðug við skurð S 04/09 19:52. Hesin skurður tók 13 tímar.

Nú varð kósin sett á Havnina.

Vit vóru á Havnini 05/09 kl. 07:00.

Prøvatøka

Reiðskapur                  

Sea-Bird 911+ CTD, útgerð til prøvatøku av sjógvi.

Viðmerkingar

Á støð N05 varð CTDin lorað heilt niður ímóti botni, tí at ein PIES stendur á hesum staðnum.

Annars gekk alt eftir vild allan túrin, og høvðussetningurin fyri túrin var gjørdur. Tað einasta, sum ikki var gjørt, var at gera eina roynd at fáa ein streymmátara á Íslandsrygginum upp. Hetta var avlýst vegna vánaligt veður.

Fólk við frá Havstovuni

Ian Salter (kanningarleiðari)

Regin Kristiansen

Jákup Sverri

Túrar

Útgávur